短宣分享

有了上次去短宣既經驗，今年的短宣，我係帶著一點期望同心理準備去的。最大嘅心理準備就係熱，上年去短宣嘅時候天氣係非常熱，空氣亦都好侷促，會場更加係無冷氣。而最大嘅期望就係想再次經歷神的應許和抬起。正當我籌算好，帶著為炎夏準備嘅衫褲，我卻失算了。整個旅程，我哋去嘅地方天氣都非常涼爽，有幾天嘅早上更低至 17 度，無冷氣嘅飯堂就如開咗冷氣一樣。呢件事帶俾我嘅感受就係或晴或雨或熱或涼，神都掌管。就好似佢叫我經歷炎熱又經歷涼爽，然而當中都有佢嘅恩典與同在。在更舒服嘅環境下服侍，更能用心感受那份得來不易的恩典。因為今次短宣隊人數很多，預備期間我更能夠專心在音樂敬拜上。敬拜嘅時候又再一次重溫神對敬拜嘅要求。事源第三天敬拜嘅時候，營會分成三種語文，而我則負責粵語嘅敬拜。因為資源關係，我們只有一部琴與一把結他，琴鍵更會有時失靈。但是營會嘅會眾依然投入敬拜，就如神看重我哋有否追求佢，多於音樂嘅品質。翌日嘅敬拜更讓我感受比聖靈充滿的一刻。我為敬拜前祈禱準備的禱告係以普通話準備，因為知道國語堂嘅人數較多。但係當天，站在最前一行嘅人係一位白人，我以普通話禱告之後，在毫無準備之下以英文祈禱而沒有任何失誤，只能夠話係聖靈嘅幫助。總括來講，今次短宣我比起上次更加成熟，處理不同嘅事情如帶敬拜和與小朋友交流都更自然。只能夠感恩上帝帶俾我既成長和應許我那份想都未想過的豐盛。

– Elroy Kan